«Tək səbir» qəzeti redaksiyasında Xaqani Ədəbi Məclisi fəaliyyətə başlayıb. Birliyin sədri, şair İsgəndər Etibar tədbiri açaraq onun məram və məqsədi ilə iştirakçılara məlumat verib. Məclisdə şairlər, ədəbiyyatşünaslar, tənqidçilər və digər sənət adamları iştirak ediblər. Tədbirdə səslənən şeirlərlə bağlı şair Arif Musa, Eldar Şəfa, Solmaz Şirin və başqaları öz fikir və təkliflərini bildiriblər. Tədbiri yekunlaşdıran İ.Etibar məclisin hər cümə günü, saat 16.00-da başlanacağını söyləyib. Maraqlananlar iştirak edə bilərlər.