Milli İrsi, Mədəni, Tarixi Araşdırmalar Fondunun layihəsi əsasında hazırlanaraq nəşr olunan “Şəhriyar” adlı kitab işıq üzü görüb. Kitabda XX əsr Azərbaycan poeziyasının korifeylərindən biri Məhəmmədhüseyn Şəhriyarın şeirləri, “Heydərbabaya salam” poeması və fars dilində yazdığı şeirlərindən seçmə poetik tərcümələr verilib. Görkəmli miniatür ustası Fəxrəddin Əlinin bu şeirlərə çəkdiyi miniatürlər nəfis şəkildə dərc edilib. Eyni zamanda kitabın audio-versiyası kimi Şəhriyarın öz dilindən səsləndirdiyi “Heydərbabaya salam” poeması, Azərbaycan dilində şeirləri, həyat və yaradıcılığı haqqında müsahibələr də disk şəklində toplanaraq oxuculara təqdim olunub.