Tanınmış Azərbaycan yazıçısı Elçin Hüseynbəylinin “Silaya dönüş” (“Kəndə qayıdış”) kitabı Ankaradakı “Bengü” nəşriyyatında türk dilində çapdan çıxıb. Avrasiya Yazarlar Birliyinin dəstəyi ilə nəşr olunmuş kitabda müəllifin 22 hekayəsi toplanıb. Qeyd edək ki, hekayələri türk dilinə İmdat Avşar və Ömər Küçükmehmetoğlu tərcümə ediblər. Redaktoru və “Ön söz”ün müəllifi İmdat Avşar olan kitab 3 min nüsxə tirajla buraxılıb. Bu, türk oxucusunun azərbaycanlı yazarın əsərlərinə marağının təcəssümüdür.