Sona Aslanovanın 100 illiyinə ithaf

Oktyabrın 7-də Beynəlxalq Muğam Mərkəzində Azərbaycan Dövlət Akademik Opera və Balet Teatrının aparıcı solisti, Əməkdar artist, Prezident mükafatçısı İnarə Babayevanın solo konserti keçiriləcək.

Konsert Azərbaycanın görkəmli vokal ifaçısı, Əməkdar artisti Sona Aslanovanın anadan olmasının 100 illiyinə həsr olunacaq.

Proqramda Sona Aslanovanın repertuarından 50 ildən artıqdır ifa olunmayan dünya və milli klassik musiqi əsərləri səslənəcək.

Konsertdən əvvəl İnarə Babayevanın Sona Aslanovanın yaradıcılığına həsr olunmuş kitabının təqdimatı da olacaq.