Azərbaycan Universitetində dahi Azərbaycan șairi və mütəfəkkiri Məhəmməd Füzulinin (1494-1556) anadan olmasının 530 illiyi münasibətilə ədəbi-bədii gecə keçirilib.

Tədbirdə böyük şairin zəngin bədii irsinə nəzər salınıb, tələbələrin ifasında yaradıcılığından poetik nümunələr təqdim olunub. Həmçinin şairin dövrün ictimai-siyasi və əxlaqi məsələlərinə münasibətini ifadə edən əsərlərindən parçalar oxunub. Ədəbi-bədii kompozisiyanı Füzulinin qəzəllərinə bəstələnmiş musiqilər müşayiət edib. 

Sonda tədbirdə iştirak edən müəllimlər – Tərcümə və filologiya kafedrasının müdiri Gülnar Rzayeva, kafedranın müəllimləri Hüseyn Hüseynli, Ülviyyə Əliyeva Məhəmməd Füzuli yaradıcılığının Azərbaycan ədəbi fikrinin inkişafında müstəsna yerini qeyd ediblər.  

Qeyd edək ki, tələbələr ədəbi-bədii gecəyə Tərcümə və filologiya kafedrasının müəllimi Solmaz Süleymanovanın rəhbərliyində hazırlaşıblar.