İyulun 1-də Mədəniyyət və Turizm Nazirliyi, Abşeron Rayon İcra Hakimiyyəti, Azərbaycan Milli Kulinariya Mərkəzi və Azərbaycan Milli Kulinariya Assosiasiyasının birgə təşkilatçılığı ilə birinci beynəlxalq dolma festivalı keçiriləcək. Milli Kulinariya Assosiasiyasından bildirilib ki, festivalda bölgələrimizdə bişirilən və müxtəlif çeşiddə hazırlanan 300 növ dolma yeməkləri sərgilənəcək. Festivalda Azərbaycanda fəaliyyət göstərən diplomatik korpuslar tərəfindən hər ölkənin ənənəsinə uyğun hazırlanan xörəklər də nümayiş olunacaq.