Fransanın TV5 televiziya kanalında Azərbaycanla bağlı sənədli film yayımlanıb. Filmdə ölkəmizin tarixindən, təbii sərvətlərindən, qeyri-maddi mədəni irsindən, mətbəxindən, xalqımızın adət-ənənələrindən danışılır.
Sənədli filmdə UNESCO-nun Dünya irs siyahısına daxil edilmiş İşərişəhər, Qobustan Milli bədii-tarixi qoruğu, ölkəmizin ərazisindəki palçıq vulkanları, eləcə də Yanardağ haqqında da məlumat verilir.