- 24-08-2011
- 921
Moskvada keçirilən beynəlxalq festivalda azərbaycanlı bariton Elçin Əzizov da iştirak edirGənc azərbaycanlı bariton, Böyük Teatrın solisti Elçin Əzizov avqustun 20-də işə başlayan IX Moskva “Zadəgan mövsümü” rus malikanələri musiqisi Beynəlxalq festivalında iştirak edir. Festival Rusiya paytaxtındakı knyaz Qolitsinlərin “Vlaxernskoye-Kuzminki” muzey-malikanəsində keçirilir. Hər il ənənəvi olaraq keçirilən festival özünün bütün çoxçalarlılığı ilə seçilən rus malikanə mədəniyyətinin ayrılmaz tərkib hissəsidir. Festival rus malikanə musiqisi janrının ənənəvi rəngarəngliyini qoruyub saxlayır.
Avqustun 27-dək davam edəcək festivalda uşaqlar və böyüklər üçün “Sadəcə nağıl deyil” folklor-musiqili tamaşası nümayiş olunacaq, “Blyüzün əks tərəfi” adlı konsert proqramı təqdim ediləcək.
Bayan ifaçılarından ibarət “Rus tembri” ansamblı “Zadəgan mövsümü”nün qonaqları qarşısında çıxış edəcək.
