Moskva xəstəxanaları gücləndirilmiş iş rejiminə keçiriliblər. “Life.ru” saytının verdiyi məlumata görə, bu addım “Eurovision-2009” mahnı müsabiqəsi zamanı terror aktlarının baş verməsi təhlükəsi ilə bağlı atılıb.
   Məlumata görə, Moskvanın bütün “təcili yardım” stansiyalarına antiterror tədbirlərinin görülməsi barədə əmr verilib. Çardaqlar bağlanılaraq qapılar möhürlənməli, kənar maşınların əraziyə daxil olması qadağan edilməli, yanğınsöndürən balonlar ehtiyatı yaradılmalı və tibbi personala müvafiq təlimat verilməlidir. Bütün həkimlərə müsabiqənin keçiriləcəyi 10 gün ərzində şəhəri tərk etməmək və daim əlaqədə olmaq göstərişi verilib. İstirahətdə olan tibb işçiləri istənilən an işə çağırıla bilərlər.