Məşhur gürcü müğənnisi və aktyoru Vaxtanq Kikabidze ABŞ-a qastrola hazırlaşır. Tiflis mətbuatının xəbərinə görə, müğənninin qastrolu 6 iyundan başlayacaq. Kikabidze hazırda Kiyevdə olduğunu bildirib: “İyunun 6-da buradan birbaşa ABŞ-a uçacağam. Elə həmin gün konsertim olacaq”. Müğənni artıq biletlərin hamısının satıldığını bildirib. Qastrol çərçivəsində müğənni Nyu York, Çikaqo, Filadelfiya və ABŞ-ın digər 7 müxtəlif şəhərində konsert verəcək.