Prezident İlham Əliyev fevralın 8-də Mədəniyyət və Turizm Nazirliyinin əməkdaşlarının təltif olunması barədə sərəncamlar imzalayıb. Dövlət başçısının sərəncamına əsasən, Sevda Atif qızı Məlikovaya Azərbaycanda mədəniyyət sahəsində xidmətlərinə görə “Əməkdar mədəniyyət işçisi” fəxri adı verilib.
   Prezidentin digər sərəncamı ilə Azərbaycanda mədəniyyət, turizm sahələrində xidmətlərinə və dövlət qulluğunda səmərəli fəaliyyətlərinə görə Cəfərov Zülqədər Mustafa oğlu, Əliyeva Tahirə Arif qızı, İbrahimova Gülnarə İdris qızı, Qaloçkina Olqa Borislavovna “Dövlət qulluğunda fərqlənməyə görə” medalı ilə, Ənnağıyeva Rübabə Gülağa qızı, Qəhrəmanov Mahir Kamandar oğlu, Məsimov Fərrux Əkbər oğlu “Tərəqqi” medalı ilə təltif olunublar.
   Dövlət başçısı həmçinin Gənclər və İdman Nazirliyinin əməkdaşlarının “Dövlət qulluğunda fərqlənməyə görə” medalı ilə təltif edilməsi haqqında sərəncam imzalayıb.