- 20-05-2011
- 1303
Türkiyə prezidenti Abdulla Gül Azərbaycan təmsilçilərinin “Eurovision-2011” mahnı müsabiqəsində qələbəsi münasibətilə prezident İlham Əliyevə təbrik məktubu göndərib. “Eurovision” mahnı müsabiqəsində dost və qardaş Azərbaycanın birinci olmasından böyük sevinc hissi duyduq. Azərbaycanın bu uğuru Türk xalqını da həddən ziyadə məmnun etmişdir. Sizin şəxsinizdə Azərbaycanı bu qələbə münasibətilə ürəkdən təbrik edirəm”, - deyə təbrikdə vurğulanır.Mayın 19-da Türkiyənin baş naziri Rəcəb Tayyib Ərdoğan prezident İlham Əliyevə zəng edib. Baş nazir Azərbaycan nümayəndələrinin “Eurovision-2011” müsabiqəsində qazandıqları parlaq qələbə münasibətilə dövlət başçısına təbriklərini çatdırıb, bu qələbənin Türkiyədə çox böyük sevinclə qarşılandığını vurğulayıb. Azərbaycan prezidenti göstərilən diqqətə və təbrikə görə Türkiyənin baş nazirinə minnətdarlığını bildirib.
