Xəbər verildiyi kimi, böyük mütəfəkkir, Azərbaycan milli dramaturgiyasının banisi Mirzə Fətəli Axundzadənin anadan olmasının 200 illiyi ilə əlaqədar 2012-ci il TÜRKSOY təşkilatı tərəfindən “M.F.Axundzadə ili” elan edilib.
   “M.F.Axundzadə ili” bağlanış tədbirləri çərçivəsində dekabrın 14-15-də Şimali Kiprdə türkdilli ölkələrin milli kitabxanalarının iştirakı ilə beynəlxalq konfrans keçiriləcək. Dekabrın 17-də Ankarada, Türkiyə Milli Kitabxanasında, dekabrın 18-də isə İstanbulun Aydın Universitetində M.F.Axundzadəyə həsr olunmuş simpozium təşkil ediləcək, “Azərbaycanfilm”in yeni istehsal etdiyi “Sübhün səfiri” bədii filmi nümayiş olunacaq.