Prezident İlham Əliyev fevralın 14-də “Azərbaycan Respublikasının Mədəniyyət Konsepsiyası”nın təsdiq edilməsi haqqında” sərəncam imzalayıb. Konsepsiya Azərbaycan mədəniyyətinin inkişafını, daxili və xarici təhdidlərdən qorunmasını, dünya mədəniyyətinə uğurlu inteqrasiyasını, mədəniyyət sahəsində insan və vətəndaş hüquq və azadlıqlarını təmin etmək məqsədi daşıyır.
Sərəncamda Nazirlər Kabinetinə Konsepsiyanın həyata keçirilməsi üzrə dövlət proqramlarının layihələrinin altı ay müddətində, Konsepsiyanın icrasının gedişi barədə hər il üzrə hesabatın isə növbəti il martın 1-dək Azərbaycan Respublikasının Prezidentinə təqdim olunması tapşırılıb.