Bakı Uşaq Teatrının və teatrın nəzdində fəaliyyət göstərən rusdilli uşaqlardan ibarət “Günay” teatr studiyasının yaradıcı kollektivləri Türkiyədə keçirilmiş 23 aprel - “Uşaq bayramı” festivalından qayıdıb.
   Festivalda uğurlu çıxışın nəticəsi olaraq Bakı Uşaq Teatrı mayın 13-dən 27-dək Ərzurum şəhərində keçiriləcək V beynəlxalq gənclik teatrı festivalına dəvət alıb.
   Teatr festivala Abdulla Şaiqin əsəri əsasında İntiqam Soltanın və Hacıbaba Məmmədovun quruluşunda hazırlanmış “Əşxas” və “Türk xalqlarının teatrı” layihəsi çərçivəsində İntiqam Soltanın quruluş verdiyi “Sıravi Dursun” tamaşaları ilə qatılacaq.