İyunun 23-də Azərbaycan Dövlət Rus Dram Teatrında bolqar yazarı Stanislav Stanilovun “Mafiozun operası” əsəri əsasında hazırlanmış eyniadlı kriminal-komediyanın premyerası olacaq. Tamaşaya teatrın baş rejissoru, Xalq artisti Aleksandr Şarovski quruluş verib. Rolları Xalq artisti Məbud Məhərrəmov, Əməkdar artist Natalya Şarovskaya, Salman Bayramov və başqaları ifa edəcək. Tamaşanın rəqs hissələrini Azərbaycan Dövlət Rəqs Ansamblının üzvü, Əməkdar artist Nigar Rzayeva ifa edəcək.