- 12-06-2013
- 756
İyunun 15-də Azərbaycan Dövlət Akademik Opera və Balet Teatrında Adolf Adanın “Jizel” baletinin tamaşası keçiriləcək. Tamaşanı idarə etmək üçün Belarus Böyük Akademik Opera və Balet Teatrının dirijoru, Dövlət mükafatı laureatı, professor Vyaçeslav Voliç dəvət edilib. Bir sıra tanınmış opera teatrları ilə sıx əməkdaşlıq edən V.Voliç rus və Avropa bəstəkarlarının 50-dən artıq opera və balet tamaşasına dirijorluq edib. Tamaşada əsas partiyaları teatrın balet truppasının aparıcı solistləri Nigar İbrahimova (Jizel), Elmira Mikayılova (Mirta), Əməkdar artist Gülağası Mirzəyev (Albert) və başqaları ifa edəcəklər.
