İrəvan Dövlət Azərbaycan Dram Teatrında rumın dramaturqu Ejen İoneskonun “Stullar” əsəri əsasında eyniadlı tamaşanın məşqlərinə başlanılıb. Səhnə əsərinə teatrın baş rejissoru, Əməkdar incəsənət xadimi Oruc İzzətoğlu quruluş verir.
   Dövlət sifarişi ilə hazırlanan tamaşada rolları Xalq artisti Tamella Abdullayeva, Əməkdar artist Vaqif Kərimov və gənc aktyor Elçin Hacıyev ifa edir. Absurd teatrın əsasını qoyan bu əsər Azərbaycanda ilk dəfədir səhnələşdirilir.
   Teatr yeni mövsümü bu əsərlə açmaq niyyətindədir.