"Azərbaycanda peşəkar milli teatrın yaradılmasının 140 illiyi haqqında" Azərbaycan Respublikası Prezidentinin 1 mart 2013-cü il tarixli sərəncamına əsasən tərtib olunmuş tədbirlər planı çərçivəsində iyunun 24-dən 26-dək teatr rəssamlarının əsərlərindən ibarət "Azərbaycan teatrı-140" adlı sərgi keçiriləcək. Sərgidə Azərbaycanın görkəmli teatr rəssamlarının müxtəlif illərdə səhnəyə qoyulmuş tamaşalara çəkdikləri teatr eskizləri nümayiş olunacaq. Sərginin açılışı iyunun 24-də saat 17-də "Qalereya-1969" salonunda keçiriləcək.