Xalq artisti Ağaxan Salmanlı Mingəçevir Dövlət Dram Teatrında müəllifi olduğu “İgidlik sınağı” tamaşasını hazırlayır. Yeni teatr mövsümü ilə bağlı yaradıcılıq planları haqqında məlumat verən Ağaxan Salmanlı deyib ki, tamaşa yeni mövsümdə teatrsevərlərə təqdim olunacaq.
   Yazıçı-dramaturq Firuz Mustafanın “Zaman” əsəri də Mingəçevir Dövlət Dram Teatrında səhnəyə qoyulacaq. Faciə janrındakı əsər üzərində hazırda iş gedir və tamaşanın məşqlərinə payız aylarında başlanılacaq.