Dahi Azərbaycan bəstəkarı, milli peşəkar musiqimizin banisi Üzeyir Hacıbəylinin “Arşın mal alan” operettasının 100 illik yubileyi münasibətilə ölməz səhnə əsəri Fransanın Paris və Strasburq şəhərlərində nümayiş olunacaq. Tədbir Beynəlxalq Türk Mədəniyyəti Təşkilatı - TÜRKSOY-un təşkilatçılığı ilə gerçəkləşəcək. “Arşın mal alan” sentyabrın 17-də Parisdə, ayın 19-da isə Strasburqda sənətsevərlərə təqdim ediləcək.