Oktyabrın 7-də Rusiyanın Murmansk şəhərində dahi Azərbaycan bəstəkarı Üzeyir Hacıbəylinin “Arşın mal alan” musiqili komediyası nümayiş olunacaq. Bu il 100 illik yubileyi UNESCO səviyyəsində qeyd edilən ölməz operetta S.M.Kirov adına Mədəniyyət sarayında göstəriləcək.
   Tamaşanın quruluşçu rejissoru Azərbaycanın Əməkdar artisti, Rusiya Federasiyasının ikinci dərəcəli “Vətən qarşısında xidmətlərinə görə” ordeni ilə təltif edilmiş Mərdan Feyzullayevdir.