Nəcəf bəy Vəzirov adına Lənkəran Dövlət Dram Teatrı bir neçə ildir əcnəbi rejissorlarla əməkdaşlığa xüsusi önəm verir. Ötən mövsümlərdə Gürcüstan, Türkmənistan, Bolqarıstan və Türkiyədən dəvət edilmiş rejissorların quruluş verdikləri tamaşalara maraq nəzərə alınaraq bu dəfə teatra Ukraynadan rejissor dəvət olunub. Arkadi Neptalyükun quruluşunda rus yazıçısı N.Qoqolun “Ölü canlar” əsəri noyabrın sonunadək tamaşaçıların ixtiyarına veriləcək. Tamaşanın rəssamı Yevqeniya Neptalik, bəstəkarı Sərdar Fərəcovdur. Rolları Xalq artisti Qabil Quliyev, Əməkdar artist Adil Zeynalov, aktyorlar Eynəli Nurullayev, Əlibala Əsgərov, Miraslan Ağayev, Əbülfəz Axundov və başqaları oynayırlar.