Azərbaycan Dövlət Musiqili Teatrı bölgələrə qastrol səfərlərini davam etdirir. Kollektiv iyunun 11-də Quba rayonunda Bəşir Səfəroğlu adına Mədəniyyət evinin səhnəsində Süleyman Ələsgərov və İsi Məlikzadənin “Hərənin öz ulduzu” musiqili komediyasını təqdim edib.
Rolları Xalq artisti Fatma Mahmudova, Əməkdar artist Novruz Əliyev, aktyorlar Gülcahan Salamova, Möylə Mirzəyev, Elçin İmanov, Elxan İsmayılov, Rəsmiyyə Nurməmmədova və Nigar Qarayeva ifa ediblər. Tamaşanın rejissoru Yusif Əkbərov, quruluşçu dirijoru Nazim Hacıəlibəyovdur.