Dövlət Gənc Tamaşaçılar Teatrının aktyoru, Əməkdar artist Nofəl Vəliyev tamaşa hazırlamaq üçün Türkiyədən dəvət alıb. Dəvət Antalya Böyükşəhər Bələdiyyə Teatrının bədii rəhbəri Məhmət Özgür tərəfindən göndərilib. Azərbaycanlı aktyor aktrisa və yazar Pərvin Ünalpın “Gec qalanlar” əsəri əsasında tamaşa hazırlayacaq. Tamaşanın məşqləri avqustda başlayacaq. Teatrın mətbuat xidmətindən verilən məlumata görə, Nofəl Vəliyev avqustun əvvəllərində Türkiyəyə yola düşəcək.