Sabit Rəhman adına Şəki Dövlət Dram Teatrında Xalq yazıçısı İlyas Əfəndiyevin 100 illiyi ilə əlaqədar müəllifin “Sevgililərin cəhənnəmdə vüsalı” əsəri əsasında səhnələşdirilən eyniadlı tamaşaya ictimai baxış olub.
Dövlət sifarişi əsasında hazırlanan yeni tamaşanın quruluşçu rejissoru Əməkdar incəsənət xadimi Mirbala Səlimli, quruluşçu rəssamı Söhrab Ərəbov, musiqi tərtibatçısı Aslan Mustafazadədir. Rolları əməkdar artistlər İqrar Salamov, Əbülfət Salahov, aktyorlar Xanlar Həşimzadə, Akif Yusifov, Çinarə Səmədova və başqaları ifa edirlər. Şəhər rəhbərliyinin, ictimaiyyət nümayəndələrinin və teatrsevərlərin izlədiyi tamaşa rəğbətlə qarşılanıb.