Abdulla Şaiq adına Azərbaycan Dövlət Kukla Teatrı sentyabrın 12-də yeni teatr mövsümünün açılışını edəcək. Teatrdan verilən məlumata görə, balaca tamaşaçılara rus xalq nağılı əsasında hazırlanmış “Qoğal” tamaşası təqdim ediləcək. Gün ərzində 4 dəfə nümayiş etdiriləcək nağıl-tamaşa Azərbaycan və rus dillində oynanılacaq. Sentyabrın 13-də isə “Göyçək Fatma” tamaşası Azərbaycan, “Qoçaq Əhməd” tamaşası isə rus dilində balaca teatrsevərlərin ixtiyarına veriləcək. Qeyd edək ki, tamaşalar 12.00, 14.00, 16.00 və 18.00-da nümayiş etdiriləcək.