Qazax Dövlət Dram Teatrı 77-ci mövsümü sentyabrın 23-də yazıçı-dramaturq Əli Əmirlinin “Kişi və qadın” tamaşasının premyerası ilə açacaq. Truppa müdiri Hava İskəndərovanın qəzetimizə verdiyi məlumata görə, ay ərzində teatrda həmçinin Mar Baycıyevin “Toy günü ayrılıq” (24 sentyabr), Əhməd Orucoğlunun “Sonuncu seriya” (25 sentyabr), M.F.Axundzadənin “Xırs quldurbasan” (26 sentyabr) və Hüseynbala Mirələmovun “Xəcalət” (27 sentyabr) əsərlərinin tamaşası göstəriləcək.