Sentyabrın 20-də Azərbaycan Dövlət Akademik Opera və Balet Teatrında yeni mövsümün ilk tamaşası - böyük bəstəkar Qara Qarayevin “Yeddi gözəl” baleti nümayiş olunacaq. Teatrın mətbuat xidmətindən bildiriblər ki, sentyabrın 21-də və 24-də dahi Üzeyir Hacıbəylinin “Leyli və Məcnun”, “Koroğlu” operaları göstəriləcək. Yeni mövsümün ilk premyerası isə V.A.Motsartın “Fiqaronun toyu” operası (28 sentyabr) olacaq.