Sentyabrın 20-də Akademik Milli Dram Teatrında Xalq şairi Vaqif Səmədoğlunun 75 illiyi münasibətilə ədibin eyniadlı əsəri əsasında hazırlanmış “Generalın son əmri” tamaşasının premyerası olub. 142-ci teatr mövsümünün ilk premyerası Xalq artisti Ramiz Həsənoğlunun quruluşunda təqdim olunub. Tamaşanın səhnə tərtibatçısı Xalq rəssamı Nazim Bəykişiyev, bəstəkarı, Əməkdar incəsənət xadimi Cavanşir Quliyevdir. Rolları Xalq artisti Cəfər Namiq Kamal, əməkdar artistlər Sabir Məmmədov, Mehriban Xanlarova, Almaz Amanova, Ayşad Məmmədov, aktyorlar Rövşən Kərimduxt, Rəşad Bəxtiyarov və başqaları ifa ediblər.