Azərbaycan Dövlət Musiqili Teatrı bu sənət ocağında çalışan gənc aktyorların, aktrisaların yaradıcılıq həvəsini, əzmini, istedadını dəyərləndirmək məqsədilə teatrın daxili imkanları hesabına yeni mükafat təsis edib.
Teatrın mətbuat xidmətindən bildirilib ki, bundan sonra mövsüm ərzində uğurları ilə seçilən gənc sənətçilər “İlin ən yaxşı gənc aktyoru” və “İlin ən yaxşı gənc aktrisası” nominasiyaları üzrə mükafatlandırılacaq. Bundan başqa, Xalq artisti Afaq Bəşirqızının təşəbbüsü ilə “Bəşir Səfəroğlu adına mükafat” da təsis edilib. Mükafat mövsümün sonunda ən yaxşı aktyor və aktrisaya təqdim ediləcək.