Oktyabrın 1-də Akademik Opera və Balet Teatrında Əfrasiyab Bədəlbəylinin “Qız qalası” baletinin tamaşası olub. Milli balet sənətimizin ilk nümunəsi olan əsər artıq 74 ildir teatrın səhnəsindədir və hər zaman tamaşaçılar tərəfindən maraqla qarşılanır. Budəfəki tamaşa da uğurla keçib. Əsas rolları Xalq artisti Gülağası Mirzəyev (Polad), Əməkdar artist Tamilla Məmmədzadə (Gülyanaq) və aparıcı solist Anar Mikayılov (Cahangir xan) ifa ediblər. Tamaşanı Xalq artisti, professor Cavanşir Cəfərov idarə edib.