Azərbaycan Dövlət Pantomima Teatrı həftəsonu daha bir premyera ilə tamaşaçılarını sevindirəcək. Teatrın direktoru Elman Rəfiyevin verdiyi məlumata görə, 6-7 dekabr tarixində teatrın bədii rəhbəri və baş rejissoru, Xalq artisti Bəxtiyar Xanızadə və Bəhruz Əhmədlinin birgə hazırladığı “Son ştrix” tamaşası nümayiş olunacaq. Rollarda Əməkdar artist Elman Rəfiyev, Bəhruz Əhmədli, Ceyhun Dadaşov, Elnur İsmayılov, Nurlan Rüstəmov və Əli Əlizadə çıxış edəcək.