Yanvarın 15-də A.S.Qriboyedov adına Smolensk Dövlət Dram Teatrında böyük Azərbaycan bəstəkarı Fikrət Əmirovun “Min bir gecə” baleti göstəriləcək. Baletin xoreoqrafik quruluşu Belarus və Azərbaycan sənətkarlarının əməkdaşlığının nəticəsidir. Bu, Azərbaycan Dövlət Akademik Opera və Balet Teatrı ilə Minsk Musiqi Teatrının ikinci birgə layihəsidir. Tamaşanın quruluşçu-baletmeysteri Azərbaycanın Xalq artisti Mədinə Əliyevadır. Kostyumlar və dekorasiyalar Azərbaycan rəssamı İnarə Aslanovanın eskizləri əsasında hazırlanıb. Dirijor Eyyub Quliyevdir.