Yeni tamaşa Türkiyənin qurtuluş savaşı tarixindən bəhs edir

İrəvan Dövlət Azərbaycan Dram Teatrında türkiyəli yazıçı Dəmət Çizməlinin “Cümhuriyyətin ilk sədası” əsəri əsasında hazırlanan eyniadlı tamaşanın premyerası olacaq. Teatrın quruluş hissə müdiri Xəqani Əliyev bildirib ki, Azərbaycan teatr səhnəsində ilk dəfə nümayiş olunacaq bu tamaşa 1919-cu ildə qardaş Türkiyədə baş verən hadisələrdən bəhs edir. Hazırda tamaşanın son məşqləri aparılır. Çalışırıq ki, səhnə əsərini Novruz bayramı ərəfəsində tamaşaçılara təqdim edək.
Gənc rejissor Nicat Mirzəzadənin quruluşunda təqdim olunacaq səhnə əsərində əsas rolları - Atatürkün obrazını Natiq Həziyev, Qarabəkir paşanı Əhliman Ərşadlı canlandıracaq. Digər rollarda isə Əməkdar artist Vaqif Kərimov, aktyorlar Elçin Hacıyev, Rövşən Cəfərov və başqaları çıxış edəcəklər.