Respublika Mədəniyyət Müəssisələri İşçilərinin Hazırlıq və İxtisasartırma Mərkəzində Milli Teatr Günü ilə əlaqədar seminar təşkil edilib. Mərkəzin mədəni tədbirlər və təcrübə mübadiləsinin təşkili şöbəsinin təşəbbüsü ilə keçirilən seminarda teatrımızın keçdiyi inkişaf yolundan söz açılıb. Qafqaz Universiteti mədəniyyət şöbəsinin müdiri, sənətşünaslıq üzrə fəlsəfə doktoru Zəminə Axundovanın Azərbaycan teatrının tarixi barədə çıxışı maraqla qarşılanıb.