Bakı Uşaq Teatrı balaca dostlarının bayramında, 1 iyun - Beynəlxalq Uşaqları Müdafiə Günündə Əmək və Əhalinin Sosial Müdafiəsi Nazirliyinin əməkdaşları ilə birgə xüsusi qayğıya ehtiyacı olan uşaqların görüşünə gedib.
Teatrdan bildirilib ki, kollektiv Bakının Şağan qəsəbəsindəki 1 nömrəli və Abşeron rayonunun Saray qəsəbəsindəki 2 nömrəli internat evlərində qonaq olub, uşaqlar üçün maraqlı bayram proqramı təqdim edib. Nağıl qəhrəmanlarını sevinclə qarşılayan uşaqlar Maşa və Ayı, Şrek və Uzunqulaq, Siçan bəy və Tıq-tıq xanım, Buratino və şən klounların çıxışlarını maraqla izləyiblər.