“Yuğ" Dövlət Teatrında gənc rejissor Günay Səttarovanın quruluşunda türk yazıçısı Turqay Narın "Zibillik" əsəri tamaşaya hazırlanır. Teatrın mətbuat xidmətindən verilən məlumata görə, səhnə əsərində Amid Qasımov, Oqtay Mehdiyev, Rasim Cəfərov, Təranə Atacan, Zümrüd Qasımova və Vüqar Hacıyev rol alıb. Məşqləri gedən tamaşa yaxın günlərdə tamaşaçıların ixtiyarına veriləcək.
Qeyd edək ki, "Zibillik" əsəri ölkəmizdə ilk dəfə Mingəçevir Dövlət Dram Teatrında səhnələşdirilib. Tamaşaya həmin vaxt Mingəçevir teatrının baş rejissoru olan Günay Səttarova quruluş verib.