Yeni mövsümdə Mingəçevir Dövlət Dram Teatrında Əməkdar incəsənət xadimi Bəhram Osmanovun quruluşunda İlqar Fəhminin "Son reportaj" əsərinin tamaşası hazırlanacaq.
Bundan əlavə, daha bir rejissor - Nicat Kazımovla da müqavilə bağlanılıb. O, "Danışan gəlincik" uşaq tamaşasına quruluş verəcək.
Mingəçevir Dram Teatrında tamaşa hazırlamaq üçün mütəmadi olaraq Bakıdan tanınmış rejissorlar dəvət edilir. Bəzi rejissorlar isə özləri Mingəçevir teatrında yeni səhnə əsərləri hazırlamağa üstünlük verirlər.