Ötən teatr mövsümünü dörd yeni tamaşa ilə müvəffəqiyyətlə başa vuran Mingəçevir Dövlət Dram Teatrı yeni mövsümdə də sənətsevərləri sevindirmək əzmindədir. Teatrda bu ilin sonuna kimi iki yeni tamaşa hazırlanıb təhvil veriləcək.
Kollektiv yeni mövsümə sentyabrın 12-də Əli Əmirlinin “İki yetimin taleyi” tamaşası ilə start verəcək. Xalq artisti Vaqif Əsədovun quruluşunda hazırlanan tamaşa sənət ocağının yeni səhnə nümunələrindəndir.