Xəbər verdiyimiz kimi, Azərbaycan Dövlət Musiqili Teatrı 106-cı mövsümü sentyabrın 10-da dahi Üzeyir Hacıbəylinin "O olmasın, bu olsun" musiqili komediyasının nümayişi ilə açıb. Tamaşa 8-9 sentyabr tarixində Bakıda keçirilən Ümumdünya Gömrük Təşkilatının regional toplantısının iştirakçılarına təqdim edilib. Qonaqlar yüksək səviyyədə keçən tamaşadan razı qaldıqlarını, Üzeyir Hacıbəylinin insan ruhunun ən dərin qatlarına təsir etmək gücünə malik olan ecazkar musiqisinə məftun olduqlarını bildiriblər.