Azərbaycan Dövlət Akademik Milli Dram Teatrında Qriqori Qorinin eyniadlı əsəri əsasında hazırlanan “Herostratı unudun” tamaşasının məşqləri başa çatmaqdadır. Səhnə əsərinin quruluşçu rejissoru Əməkdar incəsənət xadimi Mehriban Ələkbərzadədir.
Rolları əməkdar artistlər Elşən Rüstəmov, Sabir Məmmədov, Ayşad Məmmədov, Münəvvər Əliyeva, İradə Həsənova, aktyorlar Hikmət Rəhimov, Rüstəm Rüstəmov, Vüsal Mustafayev, Cümşüd Zeynalov, Ülvi Həsənov, Şamil İbrahimov, Elgün Həmidov ifa edirlər. Quruluşçu rəssam İlham Elxanoğlu, musiqi tərtibatçısı Kamil İsmayılov, rejissor assistenti Dilbər İsmayılovadır. Səhnə əsərinin premyerası oktyabrın sonunda keçiriləcək.