Oktyabrın 16-da Gənc Tamaşaçılar Teatrının səhnəsində "Mənim ağ göyərçinim" tamaşasının premyerası olacaq. Yazıçı-dramaturq Tamara Vəliyevanın pyesi əsasında hazırlanmış tamaşa 1990-cı il 20 Yanvar hadisələrinin qurbanlarına həsr olunub. İkipərdəli məhəbbət dramı olan tamaşanın quruluşçu rejissoru Xalq artisti Cənnət Səlimovadır. Rolları əməkdar artistlər Rafiq Hüseynov və Rahib Əliyev, aktyorlar İlqarə Tosova, Günel Məmmədova, Mirzağa Mirzəyev, Eşqin Quliyev, Sona Babayeva və başqaları ifa edəcəklər.