Oktyabrın 21-də Moskvanın “Dərviş” teatrının aktyorları Azərbaycan Dövlət Akademik Milli Dram Teatrında çıxış edəcəklər. Teatrın mətbuat xidmətindən verilən məlumata görə, qonaq heyət Xalq şairi Bəxtiyar Vahabzadənin “Gülüstan” poeması əsasında hazırlanan eyniadlı tamaşanı təqdim edəcək.
Tamaşanın quruluşçu rejissoru “Dərviş” teatrının bədii rəhbəri Mərdan Feyzullayev, musiqi tərtibatçısı Pyotr Pavloviçdir. Səhnə əsərində Şirzad Pirallahi, İrina Dmitriyevna və Meri Tateşvili rol alıb.