Oktyabrın 26-dan 30-dək Tbilisidə A.Qriboyedov adına Akademik Rus Dram Teatrının 170 illik yubiley tədbirləri çərçivəsində Rus Teatrlarının Ümumdünya Konqresi keçiriləcək.
Tədbirdə ölkəmizi Səməd Vurğun adına Dövlət Rus Dram Teatrının direktoru Ədalət Hacıyev və teatrın baş rejissoru, Xalq artisti Aleksandr Şarovski təmsil edəcək. Konqresdə müasir rus teatrının bu günü, gələcəyi ilə bağlı dəyirmi masa təşkil ediləcək, yaradıcılıq gecələri keçiriləcək. Qeyd edək ki, Azərbaycan Dövlət Rus Dram Teatrı beş ildir ki, Tbilisi Akademik Rus Dram Teatrı ilə yaradıcılıq əlaqələri qurub.