Azərbaycan Teatr Xadimləri İttifaqında rumın dramaturqu Ejen İoneskonun "Stullar" əsəri əsasında hazırlanan eyniadlı tamaşanın son məşqləri gedir. İttifaqdan verilən məlumata görə, tamaşa dekabrda təhvil veriləcək. Səhnə əsərinin premyerası ittifaqın Mustafa Mərdanov səhnəsində olacaq. Tamaşada xalq artistləri Həmidə Ömərova, Rafiq Əzimov və Hacı İsmayılov çıxış edirlər. Səhnə əsərinin bədii rəhbəri Xalq artisti Azərpaşa Nemətdir.