Azərbaycan Dövlət Musiqili Teatrının yeni saytı (musiqiliteatr.az) istifadəyə verilib. Teatrın mətbuat xidmətindən verilən məlumata görə, indiyədək sənət ocağının www.statemusicaltheatre.az saytı fəaliyyət göstərib.
Yeni saytın yaradılmasını şərtləndirən əsas səbəblərdən biri müasir informasiya-texnologiya yeniliklərinin tətbiqidir. Sayt hazırlanarkən bir sıra teatrların bu sahədə təcrübəsi nəzərə alınıb. Yeni internet ünvanda Dövlət Musiqili Teatrının tarixi, yaradıcı heyəti, repertuarı və digər sahələr haqqında dolğun məlumat əldə etmək olar.