Gəncə Dövlət Dram Teatrında Cəlil Məmmədquluzadənin "Dəli yığıncağı" tragikomediyası əsasında hazırlanan və uğurla nümayiş olunan tamaşa dekabrın 15-də paytaxt teatrsevərlərinə təqdim olunacaq. Tamaşa S.Vurğun adına Dövlət Rus Dram Teatrının səhnəsində göstəriləcək.
Teatrın baş rejissoru İradə Gözəlovanın quruluş verdiyi tamaşada rolları Xalq artisti Pərvanə Qurbanova, əməkdar artistlər İlham Hüseynov, Elxan Abbasov, Ramiz Vəliyev, aktyorlar Salam İsmayılov, Sevda Orucova, Vasif İsmayılov və başqaları ifa edirlər.