Martın 2-də Dövlət Gənc Tamaşaçılar Teatrında “Zamanla üz-üzə” IV beynəlxalq musiqi layihəsi çərçivəsində “Seçmə qüsurlar” musiqili tamaşası nümayiş etdiriləcək. Layihənin bədii rəhbəri Əməkdar incəsənət xadimi, professor Fərəc Qarayevdir.
“Zamanla üz-üzə” layihəsi ilk dəfə Mədəniyyət və Turizm Nazirliyinin təşkilatçılığı ilə 2007-2008-ci ilin konsert mövsümündə həyata keçirilib. Budəfəki layihə Bakı səhnəsində heç bir zaman qoyulmamış müasir musiqi əsərlərinin səhnələşdirilməsini özündə ehtiva etməklə, kamera-instrumental və simfonik konsertdən ibarət dörd konserti birləşdirir.