Füzuli Dövlət Dram Teatrı ənənəyə uyğun olaraq N saylı hərbi hissədə görüş keçirib.
Konsert və tamaşa proqramı ilə hərbçilərin görüşünə gedən kollektiv repertuarda olan Səttar Axundovun "Bəndalı bəndə düşüb”, Əfqan Əsgərovun "Qız atası”, Əli Əmirlinin "Onun iki qabırğası” tamaşalarından parçalar təqdim edib.
Rollarda Vaqif Rəhimov, Məryəm Məmmədova, Asif Şirinov, Əli Hüseynov, Sehran Xanlarov, Fatimə Səfərəliyeva, Aygün Cəfərova, Firuzə Səfərəliyeva, Elşən Gözəlov, Elçin Məmmədov, Vüqar Babayev və başqaları çıxış edib.
Teatrın aktrisa və aktyorlarının ifasında rəqslər, mahnılar və aparıcıların vətənpərvərlik mövzusunda söylədikləri şeirlər əsgərlərdə yüksək stimul yaradıb.